印尼地震觸發的世紀大海嘯令東南亞及南亞多國慘變觸目驚心的重災區，本地演藝界振臂一呼，既出錢又出力齊心救災，繼杜汶澤房祖名分赴災區後，張栢芝與張衞健亦將赴印尼和印度拍攝災區的情況。當房祖名在蔻立親眼目睹一千六百具屍體後，他深深感到個人力量之渺小。
印尼日前發生大地震，引發東南亞沿海國家受海嘯侵襲，超過十二萬人死亡，本港演藝界為救助災民，紛紛舉辦多個籌款活動，部份藝人更親赴災區拍攝災民的真實生活慘況，以呼籲更多人施以援手。繼杜汶澤及房祖名分赴斯里蘭卡及布吉後，張栢芝昨日亦透露將會遠赴印尼，足見愛心無分國界。
自動請纓為演藝人協會到布吉拍攝宣傳短片的房祖名，昨日亦與助手及攝影師一行四人從赤鱲角機場起程出發。房祖名透露今次將逗留日半，並會帶備充足糧食及食水，他說：「我帶咗四十八支水去，呢樣嘢最緊要。」有報道指林鳳嬌原本不欲兒子出發，對此房祖名說：「噚晚媽咪都睇住我執嘢，我答應媽咪會安然無恙返嚟。」
房祖名續說：「呢次去爹哋都冇講乜嘢，我哋一家三口係獨立個體，爹哋都會好支持我嘅。我哋會拍一條有關災情嘅短片，希望呢條短片世界各地華人都睇到，如果全部中國人一人捐一蚊就好啦。我出發前都做好心理準備。」
我從未咁接近死亡
房祖名昨晚抵達布吉，即到蔻立拍攝災情，他在電話中說：「我去到存放屍體嘅廟，見到一千六百具屍體，戴口罩都抵唔住啲屍臭，我從未試過咁接近死亡，我覺得自己好渺小，我又見到好多房屋被夷為平地，人生真係好脆弱，我希望大家可以珍惜眼前一切，聽日會去台灣做呼籲。」房祖名拍攝完畢，便會隨即轉飛台灣，與張艾嘉在台灣出席另一賑災活動。
而張栢芝昨日在東莞出席宣傳活動，原本今日她與家人到日本旅行，但為了協助南亞災民，栢芝決定取消行程，應演藝人協會邀請出訪印尼。栢芝說：「本來去斯里蘭卡，但因為要打防疫針，怕趕唔切，所以改去印尼，後日起行。我到時會帶罐頭同乾糧去，主要係去了解吓災情，為咗幫大會慳錢，我決定唔帶化妝師同髮型師去，全部自己搞掂。」
問栢芝今次到印尼會否通知家人時，她笑說：「我未同家人講，做父母一定擔心㗎啦，但自己係必須要去，咪等佢哋見到時有啲驚喜囉。曾經有同事問我，印尼同斯里蘭卡都係重災區，可唔可以改去啲冇咁嚴重嘅地方，我即刻『掘』住佢，話如果係幫人嘅話，幾危險都要去，我自己就一啲都唔擔心啦。」張栢芝初步會被安排到印尼拍攝宣傳短片，並會隨聯合國兒童基金會人員起行。而踏入新一年，栢芝亦希望世界和平及不再有天災人禍。
另一方面，獲安排到印度拍攝宣傳短片的張衞健，昨日出席記者會時說：「搞晒啲嘢，我想去布吉旅行，希望振興當地旅遊業。」
為救災民無分國界
與此同時，留在香港的一班歌手包括許志安、古巨基、楊千嬅及梁漢文等，昨日齊集在香港大球場，參與籌款活動「四海同心送關懷」，為賑災演出揭開序幕。各歌手分別獻唱一首歌，並呼籲各界慷慨捐款，安仔在台上說：「估唔到海嘯嘅威力咁大，但今次呢件事上見到愛心係冇分膚色同國界嘅，真係好開心，大家盡力捐多啲幫助啲災民啦。」
而千嬅則非常感觸說：「覺得呢件事好遺憾，天災係冇辦法控制，要解決問題就要同心合力團結，呢樣好值得表揚，喺呢件事上亦都發揮到互助嘅精神，希望大家都可以出一分力，呢個精神會成為一個拯救嘅力量。」
採訪、攝影：胡比、張俊銘、葉君海
