去年底，本地汽車代理商接連有多款新車抵港，但講到至豪至吸引的車款，可數到係平治最新CLS車系，除入口商的梅賽德斯──奔馳中國有限公司（MercedesBenzChinaLtd.）隆而重之，特別假座港島灣仔會展新翼，舉行大型VIP預展外，代理商的仁孚行亦趁50周年記念的大日子，以珠光寶氣襯住CLS於一班商賈富豪面前展現，果然收到出乎意料的迴響。筆者聞得整個CLS的預售成績，至今經已收近百部訂單，對於一輛僅得四座位鋪排的四門豪華轎跑車，確實令唔少人始料不及；唯筆者深入探究之後，發現原來有唔少準買家，視CLS車系為縮水版的Maybach看待，以其CLS350及頂級CLS500售價，分別由$890,000同$1,150,000港元定位睇嚟，又真係好超值喎！
記者：陳偉林