黎姿昨日到黃大仙和五百名小朋友共度元旦，眾人在自畫像上寫下新年願望，黎姿希望新一年沒有災難，世界和平，並即場呼籲在場人士捐款給南亞災民。
黎姿昨日出現時即大受小朋友歡迎，除了替他們拍照及簽名外，還大玩遊戲，當問他們可知黎姿有那套劇集正在播映時，不少小朋友仍叫她「玉瑩小主」，不過當他們突然醒起正在播映的劇集是《水滸無間道》時，竟大叫黎姿做潘金蓮，令黎姿一臉尷尬。
近日天氣寒冷，黎姿拍攝《胭脂水粉》時須穿短袖貼身旗袍上陣，她說：「因為太貼身，所以唔可以貼暖包，但我諗到個方法，就係將厚襪褲剪爛倒轉着上身。」
此外，黎姿坦言近日受海嘯災情影響而感到失落，她說：「我日日都追住睇新聞報道，試過睇到喊，我同家人都第一時間去捐錢，我有啲朋友都有去災區，好彩全部都平安返嚟。我覺得有錢出錢，有力出力，我聽日都會去無綫個賑災騷，至於會做乜嘢，就要保持神秘嘞。」
採訪、攝影：駱華齡
