港交所行政總裁周文耀（圖）真係好好先生，唔單止今年加員工薪金平均百分之四，重叫啲傳媒老闆加記者人工。
話說前日港交所有○四年最後一隻新股掛牌。儀式上，周文耀同記者閒聊時主動提出話，「你哋做記者咁辛苦，由朝做到晚，我建議傳媒老闆今年加你哋人工，請多啲人返嚟做嘢，等大家可以多啲時間陪屋企人」，真係令人感動。
周文耀主管嘅港交所近幾年注重提高上市公司質素，加強監管，但引嚟唔少中小型上市公司怨聲四起。博富臨置業董事總經理黃達漳就同八方呻，𠵱家嚴到一份帳目要經過五重審核，太多繁文縟節，上市費用又要成幾百萬元，佢好希望有關方面對有良好往績嘅公司可以放寬一啲咁話。
傳真︰2623-9278
電郵︰