兩位弱老霍婆婆與黃伯，透過蘋果日報慈善基金「枴杖專戶」，分別獲贈全新枴杖，解決出入困難。八十八歲的霍婆婆飽受風濕骨痛，不良於行；八十五歲的黃伯，患骨質疏鬆，雙腳活動能力日漸退化，二人接獲捐助後感激不已。
白髮蒼蒼的霍婆婆，接獲記者轉贈枴杖後，笑瞇瞇地說：「支枴杖可以調校高、低，啱晒我用。平日行得遠同上落樓梯嘅時候，對腳好易發軟蹄、冇晒力，𠵱家有支新枴杖，出街就有依靠，安心好多，多謝《蘋果日報》善長仁翁幫忙。」
獨居的霍婆婆，大半身從事製衣工人，丈夫病逝多年，育有四子三女，各有家庭負擔。霍婆婆退休多年，現靠孩子供養及社會福利署發放的生果金過活。
霍婆婆近年雙腳飽受風濕骨痛折騰，但無減她經常參與義工服務的熱誠。早前，她感到膝蓋疼痛，經醫生檢查後，證實腳筋發炎及骨骼退化，須入院接受治療。
出院後，不良於行的霍婆婆，須靠枴杖扶助步行，惟該支柺杖近日已破爛，無法使用，霍婆婆遂向本報求助，以解困境。
「醫生叫我唔好依賴輪椅出入，多啲用枴杖慢慢行吓，可以令對腳冇咁快退化。𠵱家有支咁靚嘅枴杖，我一定會喺屋企畀心機練習行路。」
「年紀大咗，對腳愈嚟愈冇力，而且行多幾步路就痛，屋企部輪椅同四腳輔助架，全部係老人院暫時借畀我用嘅。」黃伯細說。
當黃伯接獲記者轉贈一支全新枴杖後，喜悅地表示：「我睇報紙話有枴杖申請，咪試吓申請一支；冇諗過咁快就有得送畀我，始終有支枴杖扶住，對腳行起路嚟會冇咁痛。」
黃伯從事漂染工作多年，三名子女已婚。黃伯自妻子去世後，原與幼女一家三口居住，生活靠子女供養。數年前，黃伯患上心臟病，曾進行心臟搭橋手術；近期，黃伯雙腳骨質疏鬆，須定期接受物理治療。
今年初，黃伯與家人商量後決定入住老人院，方便照顧。每逢假日，子女均會探望他，聚享天倫。
黃伯平日習慣在老人院內的公園散步，鍛煉雙腳，他表示：「支枴杖對我嚟講，真係好實用。我自己冇本事買枴杖，𠵱家得你哋送畀我，好開心，多謝！」 「枴杖專戶」
捐款編號：C1560
暖流熱線
電話：29908688
傳真：23702192
電郵：
網址：
