李嘉誠家族好鍾意請退休官員做嘢。小超人李澤鉅揸弗嘅長江基建，剛剛委任咗前加拿大駐港總領事ColinStevensRussel為獨立非執行董事。雖然長建啲董事好多都曾出任公職，但Colin就係首位加拿大前官員。
其實Colin曾任加拿大駐港總領事、渥太華外交部中國理事、渥太華東亞貿易理事等，對亞洲好熟悉！Colin每年董事酬金七萬元，另收取每年七萬同二萬，做長建嘅審核委員會委員及薪酬委員會委員，夾夾埋埋一年收十六萬。
唔知係咪長建想投資多啲喺加拿大，所以想搵支盲公竹？不過，八方認為，身為加拿大公民嘅小超人自己已經好熟悉加拿大，上次隻身競投加拿大航空都掂，又使唔使盲公竹呀？
傳真︰2623-9278
電郵︰