董建華政府委任公職人士歎慢板，已經唔係新聞，二○○四年最後一日，先至公布委任註冊會計師方正、資深大律師郭慶偉同埋中大經濟系教授廖柏偉，出任證監會非執行董事，任期由元旦開始，代替任期去年屆滿嘅會計師施文信、廣管局主席馮華健同埋平機會前主席胡紅玉。
新人當中，以方正嘅背景較特別，佢係行政會議前成員方黃吉雯嘅老公，佢大哥方俠就係港交所董事。至於胡紅玉，自從冇得做平機會後，佢嘅公職已買少見少，雖然佢重係證監旗下嘅投資者賠償公司主席，但睇來都做唔耐。
成個董團夥，一塌糊塗，其中一個重要原因，就係用人唯親，以及清除異己，結果係點，怕且都唔使八方多講。
傳真︰2623-9278
電郵︰