中華煤氣噚日公布，利漢釗正式退休，結束佢喺煤氣超過二十一年嘅董事職位，亦都為佢喺商界嘅工作，畫上圓滿句號。
利漢釗早年重係多家上市公司嘅董事，近年逐步辭去上市公司嘅工作。
首先佢喺○一年先後辭去當時聯交所主席同埋家族公司希慎興業嘅主席職位；到咗○二年又離開恒生銀行；○四年又辭埋中國聯通董事份工；到今年元旦，連最後一家上市公司中華煤氣亦離開埋。佢已經再冇上市公司工作，現時可謂無官一身輕。
當年利漢釗辭恒生銀行董事職務時，已經話係為咗有更多時間同海外家人團聚，唔知今次佢全面退落嚟，點樣過佢嘅退休生活呢？
傳真︰2623-9278
電郵︰