醫管局專業事務及人力資源總監高永文做埋噚日，就正式離開醫管局，結束二十四年喺瑪嘉烈醫院同醫管局嘅生涯，佢噚日話最後一日返工好驚，八方問佢有乜嘢咁驚，原來新界東聯網總監馮康叫佢臨走嗰日，參加「再生會」除夕十二小時慈善長跑倒數活動，平日無乜跑步嘅高醫生，一口氣要跑五個圈，咪話唔索氣。
高醫生話佢哋一隊十二人要接力跑足十二個鐘，放工之後重要再去接力跑過，佢啲隊友重有醫管局行政總裁何兆煒同總監黃譚智媛㖭，原來呢位女將來頭唔小，讀大學時候係田徑好手，噚日表現重寶刀未老。
傳真︰2623-9278
電郵︰