拍慣災難片處變不驚<br>《鯊海》導演布吉遇海嘯暴走逃生

拍慣災難片處變不驚
《鯊海》導演布吉遇海嘯暴走逃生

荷李活片《鯊海22小時》嘅導演基斯堅泰斯(ChrisKentis)同佢嘅華裔監製妻子劉立璟(Laura),早排真係好似套片咁遇上同海有關嘅驚險遭遇,佢哋喺泰國遇到海嘯,幸而死裏逃生。

救瑞典遊客
現身處新加坡嘅基斯,前日打電話同美聯社嘅記者講:「我星期日同家人喺布吉度假,當日佢哋都被九級地震震醒,嗰朝我喺街外跑步嗰陣,突然聽到有人向我大叫,叫我快啲跑,我轉身就見到滔天巨浪喺我面前出現,情況就好似災難片嘅場面一樣,於是我拚命跑返酒店。」
返到酒店之後,基斯發現二樓嘅InternetCafe已經被海水破壞,而佢最擔心係佢家人嘅安危,當時佢只係喺酒店見太太個妹同其他親人,見唔到老婆同七歲女兒Sabrina。好彩佢兩個都冇事,Laura同個女嘅經歷同基斯一樣咁驚險,Laura話:「當時我孭住個女用條竹梯逃離Cafe露台,亦用條梯救咗六個瑞典遊客,之後我哋冒住浸到上腰嘅水行去搵基斯。」

感覺超現實
基斯重話:「我哋家人團聚之後,為免再受到海嘯襲擊,就帶埋行李一齊行上山避難。當我哋上到去嗰陣,已經見到啲人喺遊艇上玩,感覺好超現實,之後我哋坐車去布吉東岸,相信嗰邊比較安全。兩個鐘頭之後,我哋嘅小朋友已經喺酒店泳池游水,而我哋亦好安」