港台選舉揮彽各界名人
阿Sam、雯女膺04風雲男女

港台舉辦的「風雲人物大選」，經過網上投票後，分別由許冠傑（阿Sam）和鄧萃雯奪得「風雲男士大獎」及「風雲女士大獎」，兩人在本年表現非凡，得獎實至名歸。

香港電台節目《晨光第一線》早前在網上舉辦「晨光第一線2004─風雲人物大選」投票，經過一千五百二十四人投票，最後由許冠傑和鄧萃雯奪得「風雲男士大獎」及「風雲女士大獎」。方力申、梁國雄及李鵬飛擔任大會揭曉得獎名單的嘉賓。

抱恙未及出席
阿Sam和雯女更打低一眾政界及影視人物，雖然雯女在無綫台慶「我最喜愛的女主角」獎上輸給黎姿，但卻贏得了強大的民意，她以百分之三十的得票率贏了張曼玉、俞琤、鄭欣宜等人，而歌神許冠傑則以百分之四十三的得票率揮低梁國雄及鄭經翰等名人。
不過雯女昨日因為抱恙，所以未能親到銅鑼灣時代廣場出席頒獎記者會。
鄧萃雯昨日接受本報電話訪問時表現欣喜，她說：「我噚晚拍通宵戲病咗，所以冇出席，乜我打低咗咁多人贏到呢個獎呀？我之前重以為有十個得獎者㖭。其實最受歡迎嘅唔係我，係如妃，可能大家鍾意佢。」

復出引撲飛潮
問頒獎嘉賓之一方力申覺得誰是風雲人物，他即道：「梗係歌神許冠傑啦，因為佢真係代表咗香港流行曲，而且佢復出後重引嚟撲飛熱潮。」
此外，香港電台節目總監陳耀華透露今日「蘋果倒數2005」活動上，會象徵式以一張愛心支票送給六大救援組織。