期指噚日結算完，今日只得半日市，睇嚟大家都係冇心機睇市，大市相信會好淡靜。
不過，仍有1隻新股趕在今年最後一日掛牌，從事金屬鑄件業務的勤美達（319），雖然招股時新聞唔多，但反應唔錯，公開發售獲21.1倍超額認購，配售亦獲2.5倍超額認購。至於今日有冇得炒，經紀黃就話唔太樂觀。
經紀黃話，江湖傳聞勤美達新股主要係落在寶島投資者手上，聽唔到有邊個大芬落場，加上寶島炒家在香港往績一般，所以佢唔敢寄予厚望。
勤美達今次按每股1.42元，發行2.5億新股，集資金額3.55億元。
另外，早前上市即破底的彩虹電子（438），繼招股時受創維（751）主席被捕事件打擊後，今次又受到另一個客仔長虹電子影響，認真係禍不單行。不過，經紀黃話，彩虹上市以來，保母一直默默力頂，當不利消息過去後，隨時會嚟一個絕地反擊。
彩虹昨日上升4.4%,，收1.42元，較招股價1.58元仍有一段距離。
慕容小初