組合PingPung早前密密在油尖旺區的酒吧和的士高表演，由於酒吧場地較小，他們惟有在吧枱做騷，卻令現場氣氛更高漲。Kary說：「我都係第一次喺吧枱唱歌，好彩冇着裙咋，不過其實啲人都好斯文，佢哋都係為咗聽歌先嚟啫，估唔到反應好得咁緊要，啲人好high。今次係我第一次去disco，因為之前未夠十八歲。」
問Kary在酒吧做騷有沒有被人毛手毛腳和灌酒？Kary說：「都有人叫我飲酒，不過我梗係冇飲啦，佢哋都好有禮貌嘅。」由於每次均表演至凌晨時分，Kary坦言精神和體力上均透支，她笑說：「我就嚟頂唔順，日頭要做Cookies嘅嘢，夜晚就要做PingPung，每日都唔夠瞓，就嚟精神分裂。」
採訪、攝影：胡比