今日是梅艷芳逝世一周年紀念日，梅媽昨晚在灣仔會展舉行紀念阿梅的音樂會，請來何韻詩及許志安等演出，林國斌與鄺美雲等均有捧場。
梅媽接受訪問時聲淚俱下地說：「邊個嚟都冇問題，重有人性嘅就會嚟，草蜢都係阿梅一手栽培，一件衫一條褲一條底褲都係佢㗎，有冇嚟呀？」梅媽表示不會上台，又說：「《孤身走我路》應該唱畀我聽，我痛苦冇人知。」
音樂會開始時現場播放阿梅唱《明星》片段，許志安打頭陣出場，他說：「師傅講過，如果今日絕望，上天聽日會畀番希望你，呢個係梅艷芳精神，我會堅持落去。」梅啟明透露今日會到寶蓮寺為阿梅做法事，並在寶蓮寺留一晚。
採訪：胡比
攝影：葉君海