張衞健主演的劇集《功夫足球》播映以來收視頗差，就連有份參與演出的黃秋生，昨日也忍不住說：「睇到想嘔，其實拖長嚟拍，廢話連篇，根本冇內容，我睇剪埋都係得兩集。」
黃秋生昨日與黃浩賢在九龍城為電影《瘦身》取景，對於周星馳《功夫》一片五日票房收三千萬，秋生有感而發說：「𠵱家唔係市道唔好，個市場根本喺度，只不過啲人冇本事啫！冇本事就唔好賴地硬，有能者居之，好似嚟緊部《頭文字D》咁，都會大收，你哋問我《功夫》，我都即刻醒一醒神，重以為問我《功夫足球》㖭！」
《功夫足球》推出以來收視欠佳，上周再度下跌兩點，平均收視二十五點，即一百六十四萬觀眾收看，雖然秋生有份參與該劇演出，但問他可有看過《功》劇時，秋生竟毫不留情面地說：「早兩日我睇過，睇到想嘔，又長又悶，拍嗰時已經知，但啲人硬係唔信，個個以為拍完就會好睇，其實拖長嚟拍廢話連篇，根本冇內容。我睇剪埋都係得兩集，應該出VCD重好，重有錢賺。不過，細路嘅反應好好，因為實在太卡通啦。」
問秋生對新城頒獎禮頒發過百個獎項有何看法，秋生說：「人多咪頒咁多，覺得唔過癮可以唔參加。」而對於新城考慮不參加四台聯頒，秋生說：「合久必分，久分必合，呢個係必然現象。呢個係自由市場，良性競爭，你攞唔到就話人哋攞晒，咁我夠可以話李嘉誠賺晒啲錢！」
採訪：張俊銘 攝影：林德雄
