房祖名日前在新城的頒獎禮中獲得「新登場男歌手獎」，但成龍指兒子非實至名歸，房祖名亦承認獲獎受之有愧，昨日他更表示其餘三台的頒獎禮都不會出席。
成龍及兒子房祖名、謝賢（四哥）、狄波拉、謝霆鋒、莫文蔚（Karen）、馮德倫（Stephen）和吳彥祖等，前晚在灣仔出席「JCE影宴群星會」。
成龍前晚彈房祖名沒資格取得「新城勁爆頒獎禮2004」的「新登場男歌手獎」，房祖名說：「我都好懷疑。」及後又說：「去埋《叱咤》之後，港台同無綫嘅頒獎禮都唔會去，唔想人哋可憐我，為咗我感受先畀個獎我，我問心有愧。」
房祖名昨日訪問時進一步表示往後的頒獎禮都不會出席，也不會領取任何新人獎，他說：「我太新，冇資格攞獎，去頒獎禮都係想攞經驗，有努力唔代表可以攞獎，我覺得我未夠好，我攞得唔開心，我唔敢同爹哋講，佢同我講，如果覺得個獎唔應該攞而去攞，會丟家族面，我唔會攞返屋企，唔知爹哋會點對個獎。」
另一方面，成龍及新世界集團昨日分別捐出港幣五十萬元，支持聯合國兒童基金會於東南亞地震海嘯災區的救援工作。他又表示會聯絡紅十字會捐助物資。
此外，出席宴會的Karen表示已看了舊愛周星馳的新片《功夫》，她說：「好睇，但都冇滿分嘅。星仔嘅導演手法成熟咗好多。」問Karen星爺和現任男友馮德倫誰較優勝，她說：「各人有各人風格，星仔拍咁多部戲，Stephen得兩部，經驗唔一樣。」
採訪：馮美茵、魯萍
攝影：仇志德
