私家車嘅駕駛者一定有俾電單車攝位嘅經驗，而駕電單車嘅鐵騎士每逢遇到塞車又一定忍唔住手左攝右攝。到底電單車攝車罅啱唔啱呢？原來喺不同嘅道路環境、狀況下會有不同準則。
首先，若然喺交通擠塞同行車緩慢時，喺安全情況下，鐵騎們係可以喺車輛之間嘅空隙穿插而過，不過攝車時要記緊留意車與車之間會唔會有人或車闖出，要提高警覺有隨時停車嘅心理準備。
切勿突然抽頭
喺畫上雙白線嘅路段，鐵騎係可以喺前面車輛與雙白線之間嘅空位超車，但喺超車前一定要確定前車駕駛人已知道你正在超車，不要做出突然加速抽頭超車嘅行為，以免前車把你逼出雙白線，產生與對頭車相撞嘅危險。
記者：馬慶武