任達華太太、名模琦琦順利誕下女嬰，她昨日已出院返家休息。琦琦透露BB女重六磅，雙腿十分修長，遺傳了她的優良血統，而樣貌則一半似她，一半似任達華。琦琦表示雖一早呼籲眾好友不要來探她，但各人均「不請自來」，擠得她家十分熱鬧。
名模琦琦日前順利誕下六磅重女嬰，昨日她已返家休息。琦琦昨日接受電話訪問時難掩喜悅地說：「生呢一胎好順利，BB女可以話係一份最合時嘅聖誕同新年禮物，而且冇幾耐重係我哋結婚周年紀念，真係幾喜臨門。」
琦琦續說：「我最開心嘅係爹哋媽咪專程喺奧地利返嚟見孫女，我會『匿埋』一百日，之後就以最佳狀態出嚟見大家。我決定咗用母乳餵BB，所以會同時努力進補，攝取多啲營養。」
問琦琦BB女樣貌像誰？她說：「一半似我，一半似華仔。佢雖然得六磅，不過對腳就好長，應該係個高妹嚟。」
問琦琦為BB女改了名沒有？她說：「中文名未改，我哋𠵱家都叫佢『小琦琦』，我想幫佢改英文名叫Ella，又sweet又易記，不過重未confirm，要再同老公研究吓。」
而小琦琦爹哋任達華則說：「睇住BB女出世好開心又感動，我最感動係琦琦嘅母愛，佢陀住BB時已經好勤力睇育嬰書，佢話到時湊BB就會駕輕就熟。」
採訪：林妙萍