上周聖誕節前夕，一間標榜以低至二折，出售20部全新2005年新車的水貨車行突然結業，令人聯想起1998年車行Carboy，以超平價錢賣車作招徠，實質以哄騙一班準買家落定，復結業走佬的翻版；查實，該車行未開業前，經已引起筆者的注視，皆因佢租來的舖位，並非賣車的好地點，惟車行竟以高於原來2萬5千的價錢，以4萬多租作陳列室喎！再者，香港汽車業圈子咁細，但筆者身邊一班車行朋友，竟對這間車行的來龍去脈全不知情，及後聞得佢又以超低價賣車做藉口，幾乎可以肯定來者絕非真實商人啦！惟該車行開業前後，亦有不少令人猜疑誠實的報道，但仍能哄得2千多人落定，可知部份港人貪便宜的惡習，仍給予一班騙徒有機可乘呢！
記者、攝影：陳偉林