劉德華、許志安和容祖兒前晚在新城頒獎禮上分別捧走七個獎，成為「勁爆」大贏家，但安仔與葉德嫻合唱的《美中不足》卻計算成他的獨唱歌曲，葉德嫻主唱部份被稱為featuring（特別鳴謝），計算準則備受爭議，獲六個半獎的克勤論獎數更因而屈居安仔之下，對此克勤說：「我甘於喺劉德華之下，我唔知啲歌點計算，同安仔係朋友冇計啦，最緊要開心，聖誕節人人有禮咪好囉。」
華仔則笑言自己也喜歡featuring，問他會否考慮與克勤作featuring合作？華仔笑說：「咁又唔會，我驚佢唱得太好影響我。」問華仔有否信心在其他頒獎禮拿更多獎？去年在商台「叱咤」頒獎禮上食白果的華仔說：「我喺商台可能係零個獎，每個頒獎禮我都會抽時間到，希望今年可以打破僵局，希望自己可以打動人哋。」