噚日係BoxingDay（拆禮物日），誠哥李嘉誠冇拆禮物，反而去咗汕頭派禮物。佢嘅基金會特別拎咗一千萬人民幣出嚟畀眼科醫生林順潮，搞咗個叫做「關心是潮流」嘅農村扶貧醫療計劃，噚日正式喺潮州展開，希望可以喺未來三至五年內，成立二十個醫療點幫內地嘅貧苦農民。
不過，中間發生咗一段小插曲，話說大會安排誠哥派禮物畀在場嘅小朋友，但原來大會預備嘅禮物唔夠，搞到排最後嗰個細路女攞唔到禮物，誠哥見到就即刻想除自己隻表送畀個細路女當禮物，工作人員見到咁嘅情況，即刻阻止誠哥除表。好彩到最後，班工作人員都搵到份禮物送畀嗰個細路女。
誠哥咁關心滅貧，胡主席又話到要互相支持，老董係咪都應該搵佢幫吓手，等長和系請多幾個夥計，紓緩一吓失業問題，支持香港經濟呢？
（圖）誠哥（右二）噚日上汕頭派禮物畀小朋友，差啲重送埋自己隻表出去。
傳真︰2623-9278
電郵︰