周星馳自導自演的作品《功夫》，上映三日約收一千七百萬票房，單是前天聖誕節（二十五日）就收了六百多萬，再破香港單日票房紀錄，內地三日更收了五千萬元，走勢凌厲，同期對手《天下無賊》亦被比了下去，難怪該片導演、有份演《功夫》的馮小剛日前接受內地傳媒訪問時，形容《天》片遇上《功》片是天災人禍，而這幾天觀看《功》片的人次較《英雄》還要多。
星爺昨日在電話中說：「好開心，部戲票房走勢咁好，噚日收咗六百幾萬，我都嚇一跳，而哥倫比亞公司都好開心，叫我快啲搞續集，但劇本未度好，所以冇乜可以講。好多人問我部戲會唔會有加長版上映，其實係唔會有，呢部戲上映以來，我最開心係唔少人睇完之後，肯定咗我喺導演方面所下嘅苦功。」
此外，記者昨日在佐敦區發現有《功夫》盜版廣東話DVD售賣，質素低劣，似是在戲院內以攝錄機偷拍，星爺表示香港出現盜版一事，已交由哥倫比亞公司處理。而在廣州上映不到兩日的《功夫》，在當地亦已有盜版光碟充斥市面，光碟售價五元一張，連當地飯店都明目張膽售賣盜版，買碟者比食客還要多。更有網站以美金一元（約港幣八元），售賣《功夫》的盜版DVD。