張學友前晚於北京首都體育館完成音樂劇《雪狼湖》演出後，即到一酒樓為七對新人擔任證婚人。另外，《雪》劇原著小說作者鍾偉民不滿沒人通知他音樂劇在北京上演，製作人陳淑芬即反駁他參與最少。
張學友前晚在北京首都體育館演出音樂劇《雪狼湖》之後，隨即趕往一間酒樓為七對新人證婚，學友負責帶領新人宣讀誓詞，之後與眾人分享結婚後的心得，就是必須愛對方愛得足夠。
學友說：「兩個人一齊最緊要係夠愛對方，因為一齊生活有好多嘢，係你要夠愛對方先至肯為佢付出同犧牲。」問學友能否做到這一點？他說：「講『白頭到老』係好容易嘅事，不過做到嘅又有幾多個？我只可以講我會盡力做。」
學友表示非常感激太太羅美薇、囡囡以及父母支持他的演出，所以他完成首兩場《雪》劇後，即返港與家人補祝聖誕節。
而《雪》劇前晚全場爆滿，其中以飾演老狼的學友和陳潔儀出場反應最為熱烈，日前《雪》劇原著小說作者鍾偉民於其專欄中，對沒有人通知他音樂劇再作上演及宣傳品亦沒有他的名字感到頗為不滿。《雪》劇出品及製作人陳淑芬說：「我都好唔滿意呀，我九七年已經買斷個版權，當時係學友同陳少琪構思呢個愛情故事，之後就由少琪搵佢（鍾偉民）寫番個古仔出嚟，佢加咗好多種花嘅心得喺個故事度，但係做表演時唔會表達到呢啲嘢，而且同個劇情又唔係好配合，總之成個劇佢參與最少，同埋我冇時間通知晒所有人。」
學友則十分感謝鍾偉民令故事更加豐富，他說：「佢真係豐富咗故事嘅人物角色，我都好多謝佢寫咗咁多種花心得，總之我好感激為《雪狼湖》出過力嘅每個人，但係今次時間真係好倉卒，我連當年做女主角嘅林憶蓮都唔記得通知呀。」
採訪、攝影：蔡丹
