日本性感女星仲根霞，最近又推出寫真DVD《Unplugged》嚟掠fans一筆，佢前日聖誕節重特登去咗秋葉原石丸電器店舉行握手會，嗰日霞女重着咗件聖誕老人裝嚟見fans，非常應節。霞女話：「以前聖誕都係一個人過，今日有咁多人同我一齊過聖誕，真係好開心。」霞女重透露佢早排去紐約拍DVD嗰陣，喺棒球賽上見到佢偶像棒球手松井秀喜。