噚日幾份本地報紙話卿姐劉慧卿，曾經用立法會嘅議員津貼，喺九月尾其中三日，打咗十九次電話去泰國。有左報重質疑卿姐咁樣做唔尋常，點解對泰國情有獨鍾？
卿姐𠵱家唔喺香港，去咗馬尼拉。佢嘅助理好奇怪咁問八方，點解無端端咁多報紙講呢單嘢？其實卿姐同泰國完全冇關係，只不過卿姐選舉後就去咗泰國休息同埋做bodycheck（身體檢查），佢哋梗係要將香港啲消息同佢滙報啦！但卿姐住嗰間酒店嘅fax機有一日唔知搞乜鬼，傳咗成十六次都傳唔到啲剪報，連同成功嘅三次，夾埋就打咗十九次電話去泰國囉！
傳真︰2623-9278
電郵︰