每逢年尾各大傳媒都會有各類型嘅選舉，新加坡報章《聯合早報》最近就選出咗中、港、台十大財經新聞，喺十大財經新聞中，中國嘅新聞佔七席；台灣一席，香港「掹車邊」算有兩席，點解？
你睇睇《聯合早報》點演繹排第二位嘅十大財經新聞就明白，「一家名叫聯想的中國公司以十二億五千萬美元，收購全球著名公司IBM全球個人電腦業務」，聯想係香港嘅上市公司，但呢單新聞上榜嘅原因係聯想以中國公司，收購全球著名企業，所以呢單究竟當係中國，抑或香港新聞好呢？
而名正言順上榜嘅香港新聞，正係新鮮滾熱辣嘅領匯事件。領匯點解入選，香港人、尤其係嗰五十一萬投資者自有一番「領會」。
至於新加坡《聯合早報》選領匯入榜嘅原因，除咗領匯「考驗香港金融監管」，重有就係「領匯上市擱淺，讓世人大跌眼鏡」。
傳真︰2623-9278
電郵︰