聖誕節例牌有個聖誕老人坐住鹿車去派禮物，但係噚日有一班好in嘅聖誕老人唔坐鹿車，坐住十幾架的的骰骰嘅SmartCar去醫院。佢哋當然唔係病倒入院，而係去大口環根德公爵夫人兒童醫院同班病童開聖誕派對，重帶埋成班平日大家唔係好想見到嘅「醫生」一齊去玩㖭，不過呢班醫生竟然最受病童歡迎，因為佢哋全部都係狗醫生。
近一百個着住聖誕老人或者聖誕老婆衫嘅義工同埋十幾二十隻狗醫生，分別來自四個志願團體。佢哋帶咗好多禮物派畀住喺醫院嘅小朋友，毛公仔、模型車、機械人樣樣齊，有小朋友話今年喺醫院過聖誕，有話劇睇、有遊戲玩、又有咁多禮物，重開心過以前嘅聖誕節。
傳真︰2623-9278
電郵︰