日前喺「第三屆中國民營企業展（香港）論壇」上，赫然發現民主派大狀梁家傑（圖），原來佢係香港大律師公會內地執業及關係委員會主席，負責幫手協助同業拓展國內市場。喺會上，佢大力向班國內民營企業家推銷香港，游說佢哋選擇香港作為佢哋嘅仲裁中心。
梁家傑話如果民企與外商發生商業糾紛，若選擇喺歐洲進行仲裁，會花費好多時間喺繙譯上，又增加成本；喺香港，大家有共同語言，做嘢方便好多。佢重教路叫民企同海外合作夥伴簽訂協議時，就要訂明仲裁地方，唔好等雙方發生糾紛後先講呢個問題。而會上啲民企則向佢請教點樣喺香港投資房地產，同埋點樣可以喺香港執業做律師。
傳真︰2623-9278
電郵︰