曾志偉、呂良偉、許志安、狄龍及關海山等，前晚在海洋皇宮酒樓出席演藝人協會周年大會，筵開二十五席，身為會長的志偉說：「最近個會用咗二百幾萬喺觀塘買咗個會址，面積有成三千呎，重會搞個訓練班，呼籲同業可以參加再培訓，又或者一啲喺幕前發展得唔係咁好，想轉做幕後嘅同業，我哋都會幫吓佢哋。」
狄龍前晚談到近期藝人吸毒的問題，他說：「我成日同個仔講，可以正常喺街買到嘅嘢先好食，佢好識諗，我都唔使擔心佢。有啲藝人認為吸食毒品可提神或增加競爭力，我覺得有呢啲想法係唔啱嘅，因為競爭應該在公平情況下進行。」
此外，葉蘊儀日前曾與李麗珍吃晚飯，她說：「我同阿珍都有互相送禮物，大家都係互相關心，講吓近況。」
採訪：何永寧