不同人士及單位在2004年聖誕日也有不同的願望及心聲。
婆婆：今年做咗「敲老虎頭」英雄，願望成真，多謝香港有隻儍老虎。
紅灣：本來預咗要犧牲，但係好幸運地居然唔使死，遲啲重有新衫着。我嘅願望係，希望啲新衫鑲金鑲銀，咁我嘅身價就……哈哈哈！
曾司長：我自從細細個就有一個聖誕願望，我好想有一把大到可以遮住個天嘅太陽傘。
活力猩猩：你畀我住喺西邊，送一把畀你又點話啫！
五十萬人：當年政府冇道理，齊齊上街好勞氣；今年政府益街坊，冇得上市激鬼死。
煙民甲：唔畀我喺茶樓食煙，咁我去茶樓做乜啊？希望啲人尊重吓其他人嘅自由選擇。
大班：你上一次，我搞你一次，直至你氣絕身亡……講笑咋，你信我啊？你信我咪你儍囉。
地鐵：人老咗自然多毛病，有啲人重話要整個扣分制畀我。我嘅聖誕願望係唔該香港人敬多啲老啊。
小巴：夜麻麻，要我身不由己咁四圍衝，好驚啊。唔好再叫我做「亡命小巴」啊，我唔想㗎，其實我好想做「長命小巴」。
Ms余：在晴朗的一天出發，在最後的一天夭折。我一早講咗𠵱家香港要理性唔要感性，我一早發現有啲人有啲問題。希望大家唔好再當我係奸㗎啦。
何特首：唔好問我嘢，我好唔得閒啊，話知你嗰邊發生乜嘢事，我繼續追……追……追……
李局長：電子遊戲「鑽石方塊」一定要被列入為通識課程之一。起碼上堂覺得悶時可以攞上來溫習一下。
筆者：通脹啦……加稿費。
香港：真係一定得？