「馬生開心等於我開心」
薛芷倫聖誕闔家食大餐

薛芷倫前晚到蘭桂坊參加派對，她表示聖誕夜會與前夫馬清偉及三子女吃晚餐慶祝。提到關之琳與馬清偉的好友關係，薛芷倫表示馬生開心，等於她開心。

薛芷倫、「扒王之王」太子女李依琳、潘廸生女兒潘楚穎與男友、名模AmandaStrang、杜黃韋娘女兒杜君慧和李惠敏等，前晚到蘭桂坊出席名模樂基兒前男友吳承浚投資的Volar夜店openingparty。

「冇嘢係冇可能」
早前薛芷倫公開宣布已跟馬清偉辦妥離婚手續，回復單身的她最近與男模特兒陳平治（Perry）傳緋聞，二人前晚分別到場，對於與Perry傳出緋聞，薛芷倫笑說：「都唔知佢哋收乜嘢料，梗係唔係，喺入面有打招呼，朋友傾吓偈。」
問到早前關之琳表示與馬清偉是好友，薛芷倫說：「同關之琳識咗好耐，佢哋有冇發展空間我唔知，總之冇嘢係冇可能，馬生佢開心，等於我開心，我諗馬生都一樣，我開心佢都會開心。」薛芷倫透露今晚會與前夫及三子女一起食晚餐過聖誕，之後會與朋友出街狂歡。

扒女回港過節
久未露面的李依琳於美國讀大學，她放假回港與家人過聖誕，她說：「返嚟過聖誕，一月先走，可能期間都會做番model，𠵱家喺美國南加州大學修讀電影課程，真係好好玩。」問她是否有興趣參加電影幕前演出，她說：「喺美國好多獨立電影朋友搵我演出，不過我興趣反而係做導演，所以我都婉拒咗。」
問李依琳有否與好友、鄧永鏘兒子鄧裕鏗（Edward）聯絡，她說：「同Edward真係closefriend，今年未有時間交換禮物。」她又透露已有一個感情穩定的外籍男友。
採訪：RitaLeung
攝影：RickyIp、娛樂突發組