香港聖公會大主教鄺廣傑喺佢篇聖誕文告講，𠵱家世界真假、好壞難分，有人認賊作父，壞人當好人，有商界人士睇到大主教咁講，對照番香港呢排發生嘅事，都覺得好感歎，佢同八方講，就好似領匯事件咁，你話大班係好人定壞人？
商界老友話作為「受害人」（有份認購領匯），就梗係覺得大班冇事搵事做，為咗撈政治本錢，搵着佢哋商界嚟搞，好人有限，但件事愈睇得耐，愈睇得多，就覺得大班一個衰唔晒，特別係房署班官，使成億搞上巿，趕頭趕命，臨尾搞到咁，中間又有冇人失職？如果領匯上咗市，先有國際大鱷使橫手入稟告領匯，到時領匯股價大跌，會唔會重大鑊？
咁大班係做好事定壞事？老友話佢係凡人，呢類咁複雜問題，怕且要祈禱問吓上帝。
傳真︰2623-9278
電郵︰