今日是普天同慶的聖誕節，以往會和女友一起下廚增進感情的方力申，雖然已回復單身，但他日前仍跟廚師學做甜品，希望與家人一同分享。
方力申過去幾年都要在工作中度過聖誕節，今年沒有女友的他，想起以前的溫馨日子，仍然回味無窮。方力申日前便特別學做甜品，實行要令味覺在聖誕節體驗到幸褔的感覺。
由於方力申家中的廚房設備不算太齊全，所以他選擇學一款可以用「蒸」的方法來做的布丁，方力申說：「其實我唔係太鍾意食甜品，但係以前會同女朋友一齊煮吓飯，或者整吓甜品。因為平日放假都係行街食飯，冇乜新意，有時大家喺廚房齊齊煮嘢食，好浪漫溫馨，又可以增進感情。」
那麼方力申與舊愛通常會在誰人家中的廚房炮製美食及甜品呢？他說：「通常都喺我屋企，因為整完之後，就會同我屋企人一齊分享，而且佢哋又可以畀吓意見我。」
現在是單身的方力申，身邊沒有情人可品嘗他的甜品，不過他打算與家人分享，方力申說：「我有時都會煎吓牛扒、炒吓菜，屋企人都試過我手勢，又或者農曆新年返北京探親嘅時候，整畀親人食。」
此外，方力申昨日到上環出席活動時試玩塔羅牌，他說：「我個朋友去玩嘅時候，同個占卜師講自己冇拍拖，實際上佢係有嘅，之後就俾個占卜師拆穿咗佢，自此之後我就相信呢個占卜法。」方力申承認頗希望拍拖，不過他一定不會將戀情公開，他說：「我一定會收埋，怕高調對方會有壓力。」
髮型：VincePang（IIColpo）
場地提供：CafeOne（TheParkLaneHotel）
採訪、攝影：王連連
