黎姿昨日為無綫新劇《胭脂水粉》試造型，披上公司提供的狐狸皮草上陣。談到再次跟大夥女演員合作，問黎姿怕不怕像《金枝慾孽》般多是非？黎姿說：「呢套係《胭脂水粉》，唔係《金枝水粉》，今次對手又好好。」
黎姿、蒙嘉慧、向海嵐、曹敏莉、陳敏之和陳豪昨日在將軍澳電視廣播城為新劇《胭脂水粉》試造型，因劇集背景是二十年代，故眾女藝員均收起性感，身穿旗袍外披皮草亮相。而陳豪則盡享豔福，由劇中五位女主角替他塗上胭脂和唇膏，令他變成「紅唇王子」，場面搞笑。
黎姿全身的裝扮均由公司提供，肩上披着一襲狐狸皮草，雍容華麗，較其他女主角的造型突出，黎姿說：「好像真呀，我好似披咗隻狗喺身上咁，搞到我都有啲驚，因為我好愛護小動物㗎，平時亦好少着皮草。」而蒙嘉慧則將一把頭髮電鬈，配合二十年代的造型，但由於打理困難，所以蒙嘉慧考慮拍攝時會用假髮。
問黎姿怕不怕跟劇中女演員鬧是非，以及與陳豪傳緋聞呢？她說：「我又唔係第一次拍劇，今次對手又好好，陳豪都合作過，呢套係《胭脂水粉》，唔係《金枝水粉》。」
而曹敏莉在劇中飾演黎姿的妹妹，陳鴻烈則演她父親，面對兩位好戲之人，曹敏莉說：「所以我諗住唔使埋位時，會坐喺側邊觀戰學嘢。」
採訪：卓寶花 攝影：仇志德
