話咁快，又到一年一度的聖誕節，各位潮人買咗禮物未呢？買禮物的而且確係頗傷腦筋，不過不打緊，筆者今日走訪本港8位潮人，講講今年最想收的聖誕禮物，以供大家作為參考。同期加映潮女都想收到的LV最新小物，送畀女友就啱晒，相信亦係最穩陣嘅聖誕禮物，各潮男（荷包）準備好未？
記者：李崗華
攝影：伍慶泉、楊錦文
祥仔@Junkies（設計師）
今年最想收到：
Supreme×TerryRichardson裸女Tee
點解？「其實一推出我經已好想買，但香港好快賣晒，雖然公司同事Dicky（I.T公關）有一件，我更經常叫佢讓畀我，但佢死都唔肯，搞到我更加想要，所以如果有人將呢件Tee當聖誕禮物送畀我，我會好開心。」（已斷市）
Jim@DoubleBrother（老闆）
今年最想收到：
日產Murano
點解？「其實我哋兩兄弟都好鍾意比較大的車，不過我就比較喜歡七人車，第一係因為我身形比較大，第二係因為我有個仔，一家大細出外，七人車始終會較為方便，最重要係呢架Murano外形好鬼潮！」（$319,000）
威仔@NowCommand（店長）
今年最想收到：
PSP
「我一向都係PS的Fans，今年年中喺雜誌上見到PSP經已好鍾意，近期更於香港有售，真係好想要。但聽講香港目前只有水貨，炒價更要貼近$4,000，自已真係唔捨得買，但如果今個聖誕有人送畀我又唔同。」
Angel@Nike（公關）
今年最想收到：
去德國Playmobil遊樂場
點解？「今個聖誕最好收到來回德國機票，因為我真係好想去德國紐倫堡的Playmobil遊樂場，於雜誌及網上睇就睇得多，如果可以親身一到就真係Perfect。」
Thomas@DoublePark（Manager）
今年最想收到：
聖誕襪及聖誕卡
點解？「我想收到呢兩樣嘢，可能好多人都會笑，但我一直覺得送聖誕禮物最緊要係有心，價錢並唔係一個重點，況且呢兩樣物件真係好有聖誕氣氛，一見到就知聖誕節經已到。」
Simon@少年堂（堂主）
今年最想收到：
聖誕樹
點解？「我最想於舖內擺放一棵聖誕樹，而且重要布置得好靚，但我已經好多年無買聖誕樹，加上我又懶，最好有人買棵聖誕禮物掛到靚一靚先送畀我啦。」
Chris@DoubleBrother（老闆）
今年最想收到：
福士TouaregV8
點解？「其實我自已一向鍾情比較大的車，亦好想有一架，呢架TouaregV8就係到現時的DreamCar，除外形夠大之外，裏面更非常豪華，而且更係V8引擎，夠晒力，最緊要價錢尚算合理。（$775,000）」
偉綱@Dusty（店長）
今年最想收到：
Girl滑板
點解？「我本身好鍾意儲一些靚圖案的滑板，有日上網見到Girl於美國最新推出的滑板，圖案係Girl的Logo加上各ProSkater的頭，圖案真係好鬼過癮，可惜香港尚未見到有得賣，如果有人去開美國買畀我就一流。」（香港暫未有售）
最強聖誕禮物
LVAccessories
唔使多講，送聖誕禮物最強之選就一定係LV，除夠晒睇頭外，更係身份的象徵，如果覺得LV袋太過「行」，可以選一些較為特別的「小物」，無咁易同人撞款之餘，更可以日日戴住，夠晒實用。
售賣點：Gazelle（23322005） 旺角兆萬中心315舖
