老董嘅高官問責制搞到咁失敗，要勞煩胡主席當面提點教訓，真係好羞家，八方忽然諗起，當年陳四萬（圖）劈炮唔撈，除咗佢阿姐唔想推23條之外，佢亦冇法認同老董放棄行之有效、政治中立嘅公務員制度，改為名係政治問責，其實向老董問責嘅新制度。
當年舉腳贊成行新制嘅包括有煲呔同孫公，重有當然係林D9。陳太一早批死高官問責會失敗，因為佢明白到英國佬乜嘢係好嘢，乜嘢係唔好，而老董就剩係覺得班公務員唔聽話，卻睇唔到佢哋敢說真話嘅好處，所謂忠言逆耳，個個都係yesman，有鬼用咩。結果咪俾主席鬧，咪重冇面。
如果北京最終都係信番公務員，煲呔就真係執到，因為四萬當年冇得上位，係因為中央信商人治港，點知原來咁唔掂。
傳真︰2623-9278
電郵︰