聽晚係平安夜，日本性感女神井上和香明白每位男士都好渴望嗰晚有位火辣靚女喺身旁陪伴，一齊度過浪漫節日，所以井上特登拍咗輯連環寫真，等啲fans可以幻想吓平安夜同佢一齊約會嘅情景，真係好鬼細心。
井上喺輯寫真入面，最初着住件白色毛毛大褸，再配上一條低V裙，散發出成熟女人味之餘，重好有白色聖誕feel，已經令fans精神一振。原來鬼馬嘅井上一早訂好咗酒店房間同fans約會，佢一入房就即刻換咗一條黑色紗裙，重喺有意無意之間半露酥胸，真係極之誘惑。之後井上又坐喺酒店大床上大晒美腿，拉起對腳鬆吓筋骨。轉過頭，井上又換咗套金色比堅尼喺浴室沖涼，真係搞到fans心如鹿撞。
井上沖完涼之後，即刻補番個靚妝，重喺酒店房度同fans玩捉迷藏，真係問你死未！玩到夜晚攰攰哋，井上就攞番佢一早預備好嘅香檳出嚟同fans乾杯，佢着住條吊帶裙個樣鬼咁風騷，真係令人暈晒大浪。