金管局噚日同傳媒舉行聖誕聯歡會，佳節將至，任總亦大破慳囊，向每位出席記者，致送一本市價八十大元、由金管局編製的「香港貨幣及銀行大事年表」，雖然禮物嚴肅咗一啲，但對於跟開銀行新聞嘅同業嚟講，甚為實用，事關好多金融大事，例如金管局邊年入市打大鱷、國商銀行邊年倒閉等等，一打開年表就見到答案，重快過上網查。據聞，呢本大事年表，都有唔少遊客同來自祖國嘅自由行同胞購買。
總裁任志剛喺聯歡會上心情靚靚，又應老記要求喺年表上簽名，佢話最鍾意簽喺三個年份之上，分別係八三年（確立聯滙）、九三年（金管局成立），以及四七年（佢老哥出生）。任總聖誕期間，會留港消費同埋去行山，打算再去行西貢鹹田，順道探吓佢個老友記—海天士多個老闆喎。
傳真︰2623-9278
電郵︰