中國人民解放軍真係年年都咁醒目同政治正確，所謂入鄉隨俗，每年聖誕前夕，部隊嘅對外新聞發言人一定向全港各大小傳媒(包括《蘋果》)發出文告式道賀，喺祝大家聖誕新年快樂之餘，例必稱讚傳媒過去一年付出辛勤嘅勞動，對駐港部隊嘅報道十分全面同客觀，加強香港軍民之間嘅了解同信任。嗱，呢啲就真係認真體會胡錦濤主席所講嘅「實現最廣泛的團結，而且團結的越多越好」，老董唔知要學幾多年先至學會。
香港嘅傳媒出名百花齊放，PLA如果有做得唔好，報道肯定唔會手軟，但係過去七年，你又的確難有乜批評，好似2004年嘅7.1軍營開放以至八一閱兵，全部頭頭是道，唔到你唔服。
（圖）八一閱兵，連民主派都請埋，就見得解放軍既懂得「團結大多數」嘅道理。
傳真︰2623-9278
電郵︰