早前吳浩康因藏毒幾乎令事業毀於一旦，他坦言很感激家人及同事對他不離不棄，他祈望新一年在事業上可做出好成績，以答謝一直支持他的人。他日前購買垃圾鏟送給經理人霍汶希，在他做錯事時用來拍他，並說：「唔好鏟走我！」
吳浩康日前到海港城花了千多元，買聖誕禮物給同事及家人，包括送給老闆楊受成的ＣＤ架、送給經理人霍汶希（Mani）的垃圾鏟。
吳浩康說：「我希望送ＣＤ架畀老闆，第時可以放晒我嘅ＣＤ喺上面。而送畀Mani嘅垃圾鏟都有意思㗎，希望我做錯事時，佢攞嚟拍我個頭，唔好用垃圾鏟鏟走我。至於個結他月曆，係送畀我嘅結他老師。」
吳浩康又買了一個水壺給喜愛晨運的父親，他說：「雖然我𠵱家唔係搵好多，只可以買份小禮物送畀身邊嘅人，阿爸都成日同我講，做好自己已經係送畀佢嘅最大禮物。」
吳浩康表示對藏毒事件感到愧疚，並自知要好好珍惜目前擁有，他更警惕自己聖誕期間不要外蒲。
吳浩康說：「聖誕節最多都係同公司同事食飯，一定唔會四圍蒲，始終瓜田李下，人哋以為我重未知衰㗎！」
吳浩康自言今年發生太多不光彩的事，他說：「經過呢件事，我真係攝高枕頭諗清楚，大家肯畀機會我重新嚟過，我以後會努力做好，○五年一定唔會令大家失望。」
採訪：卓美娟
攝影：何國豪
場地：海港城ClubX、LCX
服裝：ARMANIEXCHANGE
