聖誕夜好多人都寧願留喺屋企，同Honey撐住枱腳食燭光晚餐，話明CandleNightDinner，無浪漫燭光點成事？市面有好多充滿聖誕氣氛的燭台及蠟燭，款靚精緻，睇完下面的推介，放工後速速去入貨喇！
記者：黃婉冰
攝影：伍慶泉、蔡鴻雯、楊錦文
單頭蠟燭台做埋裝飾品
兩支公撐枱腳，枱仔細細要擺刀叉碗碟又要擺燭台，外形細小的單頭燭台就大派用場。想應節首選聖誕款式，追求品味的話，又有簡約款式可選擇，外形靚到可以做埋裝飾。
木製聖誕樹
聖誕老人以滑雪Look示人，重有可愛雪人、企鵝同熊仔，充滿聖誕歡樂氣氛。雪人、熊仔同企鵝重會彈吓彈吓，賣相精緻，可以做埋聖誕擺設。
售價：$28（f）
雪人小提燈
鍾意外形特別，首推這款雪人小提燈。打開提燈前面的小門就可以將蠟燭放入內變成一盞真真正正的小提燈，提燈四面貼上雪花同雪人公仔，款式獨特。
售價：$30（d）
得意大頭雪人
聖誕節是雪人的天下，這款Westman陶瓷雪人頭蠟燭座，必成應節佳品。放入圓扁形小蠟燭後，雪人的笑臉就會透出柔柔燭光，聖誕夜燃點夠晒氣氛！
售價：$21.9（c）
蛋形玻璃座
放櫃面作裝飾之用，這款蛋形玻璃燭台最適合。雞蛋外形四平八穩夠晒安全，最特別是以玻璃油彩畫上的聖誕老人，手捧聖誕樹，造型有無少少似「這個殺手不太冷」呢？
售價：$25（d）
閃閃水晶「星座」
為聖誕節特別設計的聖誕燭台，純銀燭台綴以水晶星星及粒粒鑽石形水晶，燈光下水晶星星更覺閃亮，燭光下效果一樣靚絕！
售價：$1,000（i）
木製雪人燭台
肥嘟嘟雪人一下子變成纖瘦蠟燭台，效果會否更得意？燭台全個以木製成，實淨又耐用，雪人頭頂洋燭，可想像效果都幾得意！
售價：$20（d）
原始現代混合體
新系列「非洲之旅」作品之一，以高雅木料襯上晶瑩通透的水晶，糅合了原始及現代元素，配合清簡獨特的設計，高貴得來別具民族特色，供應期只到12月尾。
售價：$1,630（i）
雪人洋燭杯
非常粗糙的外形與畫工，效果有如出自小朋友手筆的傑作。杯身畫滿漫天雪景，款式充滿童真，得意又應節。
售價：$100（f）
摩登幾何圖形
以四方及三角形組合而成的玻璃燭台，透視感十足。燭台中間有幼沙承托着蠟燭，外形前衞簡約，作為平日擺設亦可。
售價：$310（a）
搶眼三色水晶
「jewels」燭台，用上暖洋洋的橙紅色，綴以粉紅、紅及橙三種顏色的葉形水晶，效果搶眼，為聖誕帶來暖洋洋的視覺效果。喜歡色彩斑斕，這款是首選。
售價：$470（i）
多頭蠟燭台啱多人晚宴
約埋成班朋友長桌晚宴，一支洋燭又點夠「照」？起碼都要插幾支先夠用，要同時插幾支洋燭，多頭蠟燭台是不二之選。以下推介幾款不同質料與設計，價錢豐儉由人，實用與美觀兼備。
簡約枯樹
相比聖誕樹，這棵銀色枯樹都絕不遜色，將燭台設計成銀色枯樹，效果反而更切合白色聖誕的主題，一座可同時放五個扁圓形的小蠟燭。
售價：$180（e）
矜貴水晶燭台
追求高貴品味，Villeroy&Boch這款樹幹形水晶蠟燭台又如何？傳統燭台設計，款式大方高貴，最適合放在長餐桌上，CandleNightDinner點少得？
售價：$805（g）
石頭仙人掌
外形有如仙人掌的蠟燭台，款式懷舊。全個以Stone製成，雖然顏色同聖誕節好似有點兒格格不入，但靚就得喇！
售價：$250（h）
銀色聖誕花束
食聖誕大餐想更有氣氛，選用這個以松針、銀色松果、水晶蘋果及絲帶組成的蠟燭台，相信效果會不俗。燭台可插三支蠟燭，夠晒聖誕氣氛！
售價：$40（d）
和風長木座
簡單就是美，這款以木料配水晶的蠟燭座，帶點和風味道的深啡色木座，襯以水晶燭台，設計簡約。現代感較重，適合一室木色裝修！
售價：$270（a）
新款洋燭色香味俱全
以前蠟燭只作照明之用，今時今日蠟燭已變得用途多多。款式靚到可以做埋擺設，新興的香薰蠟又可幫助舒緩神經，重有不同生果同清新香味任你選擇，可謂色、香、味俱全，唔打算買蠟燭台，買個靚靚蠟燭應節都唔錯！
迷你聖誕樹
有無見過迷你聖誕樹？目下這棵只有22cm高，夠迷你未？雖然只是蠟燭，但手工非常仔細，送禮或自用都適合！
售價：$55（b）
慈祥聖誕老人
略嫌聖誕樹未夠特別，可考慮這款聖誕老人蠟燭。聖誕老人笑咪咪，手持寫有MerryChristmas的長布，蠟燭都咁靚，見過未？
售價：$80（f）
巨型聖誕蠟燭
以白色聖誕為主題的圓柱巨型蠟燭，表面畫滿立體聖誕樹、星星，甚有氣氛，咁大支燒成晚都綽綽有餘！
售價：$95（b）
環保蠟燭
蠟燭用上環保蠟製成，燃點時除可減低污染外，更會有陣陣香味，既環保又好用。蠟燭用上紅綠顏色相襯，同全屋聖誕布置襯到絕。
售價：$55（h）
七彩花花
除聖誕蠟燭外，其他得意款式同樣吸引，好似RainbowPark這款七彩大花蠟燭，由外形到顏色都咁搶鏡，大花上又有一朵細花，咁靚，觀賞價值高過實際用途！
售價：$35（c）
Monogram紅蠟燭
勢估唔到連蠟燭都可以玩Monogram，RainbowPark這款圓柱形大蠟燭，印滿四葉草同心心Monogram，款式同部屋最啱襯。
售價：$59（c）
杯裝香薰蠟
法國Roger&Gallet香薰蠟套裝，一盒共有四個，分別有檸檬、薑、綠茶三種味道。杯形設計使用方便又安全，每杯容量為35g。
售價：$195（f）
呍呢拿味白朱古力
RainbowPark這款激似排裝白朱古力的蠟燭，賣相攞足100分，燃點時重會發出陣陣呍呢拿香味，引到你口水流。
售價：$29（c）
店舖資料
（a） 西田百貨 26941111
沙田新城市廣場3期3樓
（b） city'super 23758222
尖沙嘴海港城3樓3001舖
（c） LCX 31023668
尖沙嘴海港城海運大廈3樓
（d） 生意滔 34223101
旺角洗衣街127號C地舖
（e） Francfranc 34273366
銅鑼灣百德新街2-20號恆隆中心2樓
（f） 西武 29713888
金鐘太古廣場1樓
（g） Villeroy&Boch 28314636
銅鑼灣軒尼詩道555號七樓
（h） G.O.D 28905555
銅鑼灣禮頓中心77號2樓
（i） 各施華洛世奇水晶軒 25666301