古天樂昨日為內地休閒服的新店開幕禮擔任嘉賓，他替這品牌擔任了四年代言人，彼此合作愉快，古仔表示有興趣入股該店當老闆，更透露稍後有機會擁有屬於自己的品牌，一嘗做設計師的滋味。
古天樂昨日為其擔任代言人的「以純」休閒服在大埔開設的旗艦店擔任剪綵嘉賓，並充當模特兒行天橋。
據知古仔以八位數字酬勞擔任代言人，他坦言：「幾年加埋都有嘅，我做咗佢哋代言人已經四年，不過其實唔係全部為錢嘅，我覺得佢哋呢幾年真係做得幾好，我都有考慮入股。」
古仔表示該品牌在內地業績不俗，且願意接受別人的意見，他說：「我哋合作咁多年，佢哋都會問吓我嘅意見，我覺得做生意最緊要有商量，所以我好欣賞佢哋。呢間係佢哋第一間喺香港開嘅舖頭，睇吓業績點先，遲啲可能有機會設計吓自己品牌嘅服裝。」
問古仔有沒有與被控藏毒的應采兒聯絡？他說：「我有打電話畀佢，佢幾平靜呀，我叫佢繼續畀心機做嘢。」
而LisaS.、Rosemary和向展平等一起行天橋，LisaS.和Rosemary均穿比堅尼配襯外套，性感中見型格。問曾與應采兒傳緋聞的向展平有否與對方聯絡，他說：「我諗呢個時候搵佢唔係咁適合，但我會支持佢。」
採訪：胡比 攝影：陳志嵐
