溫碧霞原來已六年沒在香港過聖誕，今年她與丈夫將齊齊放下工作，與親朋好友開聖誕派對慶祝，感受一下香港的過節氣氛。
溫碧霞昨日在電話中說：「原本有娛樂商搵我去美國登台，但我同老公商量過，佢話年年聖誕都出埠做嘢，不如今年放吓假啦！咁我咪連真銀都唔搵，留喺香港過聖誕囉。」
早前溫碧霞在內地逗留了四個多月，拍了一齣電影和一部電視劇，由於與丈夫分開了一段頗長的時間，明年她希望可以有較多時間陪伴老公。溫碧霞說：「最近其實都有內地劇搵我做，但我重未答應，因為老公開始有微言，話我成日掛住做嘢，所以我多數會推咗佢，因為錢係搵唔晒嘅，梗係老公重要啲。」