韓國型男李秉憲前日去咗東京宣傳佢最新嘅DVD，重喺涉谷搞咗個影友會，有二千三百個fans參加，當中包括一個七十九歲嘅婆婆。當日憲哥邀請婆婆上台，婆婆即時攬實憲哥，憲哥重話二十年後會再搞影友會，叫婆婆一定要再嚟，令在場師奶好感動，另外，憲哥話近日拍新片《甜蜜人生》海報時，為一個揸煙甫士而一個鐘食一包煙，真係慘情。