瑞士信貸第一波士頓嘅董事總經理Chester郭，噚日開記者會，大談喺立法會增加納稅人嘅功能組別。佢倡議每交一萬蚊薪俸稅，就可以喺呢個界別投一票，上限最多係每人一百票（即係交多過一千萬稅），最多可以選五個議員，用嚟抗衡啲要維護草根利益嘅議員。
Chester話，佢冇同人傾過，冇搵過自由黨，自己都冇參加過政治活動，又冇諗過參政，呢個意見淨係代表佢自己，唔代表瑞士一波喎！佢話，如果有啲政黨支持，咁俾政府接納嘅機會就會大啲。
八方梗係反對啲咁唔平等嘅制度啦，都忍唔住問佢，係咪因為買咗領匯搞到好谷氣，所以先要提呢啲意見？佢話，其實諗咗好耐，不過就唔評論領匯啦！
（圖）Chester嘅提議，擺明係有錢大晒咁解啦！
傳真︰2623-9278
電郵︰