汪明荃及胡杏兒昨日於馬鞍山拍攝無綫新劇《我的野蠻奶奶》，劇中阿姐與飾演新抱仔的杏兒經常鬥氣，昨日阿姐更故意整蠱杏兒，要求對方孭她上山看桃花。問到杏兒是否很氣喘時，她說：「都唔係呀，佢好輕盈，不過我哋響劇成日鬥嘴，反而鬥到頭痛。」
阿姐雖被杏兒孭得十分舒服，但她說：「我好驚佢唔夠力，而且佢又好瘦，不過我都唔係好重，只得一百零八磅。」
杏兒則大讚阿姐好戲，更認為她有機會問鼎明年最受歡迎女主角。阿姐聞言即笑說：「黐線㗎！不過都係對自己一種鼓勵。」杏兒表示孭阿姐不算辛苦，但若換轉孭肥姐沈殿霞，便可能需要替身上陣。