薛凱琪與董敏莉前晚與兒童院小童舉行聖誕派對，董敏莉透露近日跟母親一起助養小朋友，而薛凱琪則自爆餵周國賢的女兒飲奶時，感覺有如已為人母。
薛凱琪、董敏莉和周國賢前晚到尖沙嘴小熊國，跟聖基道兒童院孩童舉行聖誕派對，眾人跟小朋友一起吃聖誕大餐和玩遊戲，現場還有魔術表演，逗得一班小朋友十分開心。
薛凱琪表示十分喜歡小朋友，有次見到周國賢的囡囡時，試過餵BB飲奶，薛凱琪說：「好似做咗人媽咪咁，感覺好得意。」日前在《勁歌金曲頒獎禮》記者會上，房祖名看好薛凱琪奪新人獎，對此薛凱琪笑說：「我個人冇乜嘢優勝之處，我同佢喺一啲活動上都有碰過面，可能佢覺得我唱歌OK，所以投我票啩。」
問薛凱琪可擔心房祖名公開支持，會令其緋聞女友官恩娜呷醋，薛凱琪笑說：「我同祖名都冇嘢，正如佢同祖名一樣，我相信佢哋都係冇嘢。」
此外，董敏莉表示今年聖誕過得特別有意義，她說：「我一向好喜歡小朋友，而媽咪一向有助養小朋友，日前我就同媽咪一齊助養，因為有好多小朋友真係好需要人幫助。」
問董敏莉會否做未婚媽媽時，她即耍手擰頭，揚言一定不會嘗試。此外，近日她選購了一條內褲送給女髮型師好友作為聖誕禮物，認真體貼。
採訪、攝影：張俊銘
