經過前日同胡錦濤握手而榮獲拉住寒暄嘅多寶彩金後，煲呔可以做第三任特首的機會立即行情告漲，而唐唐就由大熱跌咗落冷選，李國章就維持第二熱門不變。雖然個個官都俾胡主席省鑊金，但煲呔今鋪就有意外收穫，咁早起身搭六點鐘船去澳門都值得啦。
有人同八方講，胡主席睇中煲呔係有原因嘅，因為俾老董玩足七年，中國已經對商人治港冇晒信心，咁商人出身嘅唐唐當然就蝕底啲，而本身係公務員嘅煲呔，佢主力搞嘅政改暫時都壓得住，如果俾佢搞得掂○七、○八嘅選舉同埋西九龍，第三任特首嘅真命天子分分鐘就係一位英國爵士，而且又係打煲呔嘅㖭，好嘢！
（圖）煲呔（右）去完澳門後行情高漲，唐唐（左）當堂冇得比。
傳真︰2623-9278
電郵︰