今年娛圈毒潮氾濫，港台前晚特別安排一班年輕歌手與近百名fans舉行燒烤會，呼籲大家遠離毒品，其間一眾歌手大發毒誓，房祖名揚言若吸毒天打雷劈，至於2R則誓言吸毒便孤獨終老，而Boy'Z的Steven聲稱若沾毒癖即「腸穿肚爛、雙腳斷晒、即刻死」！
港台前晚在啟德燒烤場舉行「TeenPower聖誕BBQ」，安排一班年輕歌手包括Boy'Z、2R、房祖名、梁洛施（Isabella）、劉浩龍與薛凱琪（Fiona）等，與近百名歌迷敍會，呼籲年輕人要遠離毒品。
其間一眾歌星應港台要求發毒誓，誓言絕不沾染毒品，2R的Rosanne發毒誓說：「我冇仔生，孤獨終老！」妹妹Race即接着說：「如果家姐掂毒品，我一定甩牙。」Rosanne聞言又說：「妹妹掂毒品，我就會甩個鼻！我唔介意發毒誓，因為唔會食。」Race更將誓言加碼說：「如果我掂毒品，以後冇得拍拖，但我相信自己一定有拖拍。」
房祖名前晚亦不甘示弱，他說：「如果吸毒就天打雷劈！」至於Fiona則說：「我掂毒品，塊臉就肥過𠵱家三倍！」而Isabella也聲言不會吸毒，她說：「如果我吸毒就唱唔到歌、出唔到碟、愈嚟愈唔靚！毒品唔掂得㗎！」劉浩龍則說：「如果我掂毒品就被人飛，拍唔到拖！」
不過眾星當中以Boy'Z誓詞最毒，Kenny先說：「如果我掂毒品，以後冇碟出、冇獎攞、冇fans鍾意、上鏡肥十磅。」而Steven更「狠」，他說：「如果我掂毒，腸穿肚爛、雙腳斷晒、即刻死！」
其後Boy'Z成員突然狗咬狗骨，Steven先說：「以前我見Kenny個人咁瘦，懷疑佢係咪吸毒。」Kenny即連聲否認，更謂自己的中氣一定比Steven好，反而他懷疑Steven吸毒，Kenny說：「佢精神渾渾噩噩，轉頭又唔記得嘢。」不過兩人異口同聲表示沒有受過毒品引誘。
採訪、攝影：王連連
