科技園成立至今三年半，噚日佢哋特別安排記者會，介紹多年來嘅業績成果。行政總裁譚宗定話，為咗吸引海外高科技公司進駐本港，佢哋真係想盡辦法，例如為咗吸引日本客，佢哋正籌備喺園內開設壽司店；為咗吸引班嚟自北歐嘅高科技客人，科技園又好體貼咁係園內設立佢哋至喜歡嘅桑拿浴室。
科技園最大嘅勁敵當然係新加坡同台灣，佢話新加坡為咗搶客，向海外高科技人才派發五萬美元津貼。不過，香港係中國嘅一部份，外國高科技公司要拓展適合大陸市場嘅產品自然會揀香港，又一次引證背靠祖國嘅威力！
傳真︰2623-9278
電郵︰